برخیز هم‌وطن

ای ملتِ شریف، وطن بی‌پناه نیست!

تا هست اتحاد، کَسی روسیاه نیست!

بدسایه‌ای به شیشه‌ی ما سنگ می‌زند

در شهرِ کور هیچ کَس آیینه‌خواه نیست!

از دستِ این خصومت ِ پوچ و اُمید‌کُش

یک تارِ موی نسلِ جوان هم سیاه نیست!

دل‌های غرقِ غصه، گلوهای یخ‌زَده

سرمایه‌ی شکسته‌دلان غیرِ آه نیست!

آتش گرفته دامنِ کوتاهِ صبر را

در برزخِ زمانه کَسی روبرو‌آه نیست

در ازدحامِ پُرتَنشِ جنگ و انزجار

هق-هق همیشه هست، ولی قاه-قاه نیست!

پس، دست روی دست نهادن چه فایده؟

وقتی که آن طرف، طرفِ خیرخواه نیست!

دشمن رسیده پشتِ درِ خانه‌هایمان

برخیز، هم‌وطن، که دگر هیچ راه نیست!

#فردوس_اعظم

#تاجیکستان/#قرقیزستان

#Бархез_ҳамватан

Эй миллати шариф, Ватан бепаноҳ нест!

То ҳаст иттиҳод, касе рӯсиёҳ нест!

Бадсояе ба шишаи мо санг мезанад

Дар шаҳри кӯр ҳич кас ойинахоҳ нест

Аз дасти ин хусумати пӯчу умедкуш

Як тори мӯи насли ҷавон ҳам сиёҳ нест

Дилҳои ғарқи ғусса, гулуҳои яхзада

Сармояи шикастадилон ғайри оҳ нест!

Оташ гирифта домани кӯтоҳи сабрро

Дар барзахи замона касе рӯбароҳ нест!

Дар издиҳоми пуртаниши ҷангу инзиҷор

Ҳиқ-ҳиқ ҳамеша ҳаст, вале қоҳ-қоҳ нест!!

Пас, даст рӯи даст ниҳодан чӣ фоида?

Вақте ки он тараф, тарафи хайрхоҳ нест!

Душман расида пушти дари хонаҳоямон

Бархез, ҳамватан, ки дигар ҳич роҳ нест!

#Фирдавси_Аъзам

#Тоҷикистон/ #Қирғизистон

18.09.2022